پاکستان کرکٹ بورڈ ( پی سی بی ) نے آسٹریلیا کے خلاف ٹیسٹ سیریز سے باہر ہونے والے باؤلر نعمان علی کی جگہ آلراؤنڈر محمد نواز کو ٹیم میں شامل کرلیا۔
پی سی بی کی جانب جاری اعلامیہ کے مطابق نعمان علی اپینڈکس کے آپریشن کے باعث ٹیسٹ سیریز سے باہر ہوگئے ہیں اور محمد نواز ٹیسٹ سیریز میں ان کے متبادل ہوں گے۔
Mohammad Nawaz replaces Noman Ali
— PCB Media (@TheRealPCBMedia) December 23, 2023
Read more ➡️ https://t.co/skPDiOpF6Z#AUSvPAK
قومی ٹیم کے چیف سلیکٹر وہاب ریاض نے محمد نواز کو نعمان علی کے متبادل کے طور پر آسٹریلیا بھیجنے کا فیصلہ کیا۔
خیال رہے کہ محمد نواز نیوزی لینڈ کے خلاف ٹی ٹونٹی سیریز کے لئے اعلان کردہ اسکواڈ کا حصہ بھی ہیں۔
اس حوالے سے چیف سلیکٹر وہاب ریاض کا کہنا تھا کہ یہ بدقسمتی ہے کہ نعمان علی ٹیسٹ میچز کے لئے دستیاب نہیں ہیں، لاجسٹک مسائل اور بقیہ کھلاڑیوں کا ویزہ نہ ہونے کی وجہ سے محمد نواز دستیاب کھلاڑی تھے جبکہ ابرار احمد تیسرے میچ کے لئے دستیاب ہوں گے۔
