یو ایس اوپن جونیئر اسکواش چیمپئن شپ کے فائنل میں پاکستان کے حذیفہ ابراہیم سلور میڈل کے حقدار بنے۔
تفصیلات کے مطابق امریکی شہر فلاڈیلفیا میں یو ایس اوپن انڈر 19 اسکواش چیمپئن شپ کے مقابلے منعقد ہوئے، ایونٹ میں 30 ممالک کے 128 کھلاڑیوں نے شرکت کی، اسکواش چیمپیئن شپ مقابلوں میں پاکستان آرمی کے حذیفہ ابراہیم نے شاندار کھیل کا مظاہرہ کیا۔
حذیفہ ابراہیم مسلسل 6 میچ جیت کر فائنل میں پہنچے جہاں ان کا مقابلہ امریکا کے رشی سری واستو سے ہوا، حذیفہ ابراہیم نے فائنل میں شاندار کھیل پیش کیا تاہم سنسنی خیز مقابلے کے بعد امریکی کھلاڑی رشی سری واستو نے کامیاب حاصل کی۔
حذیفہ ابراہیم نے انڈر 19 کیٹیگری میں یو ایس جونیئر اسکواش چیمپئن شپ 2023 میں چاندی کا تمغہ جیتا تھا، یو ایس اوپن انڈر 19 سکواش چیمپئن شپ میں پاک آرمی کے حذیفہ ابراہیم نے چاندی کا تمغہ جیت کر عالمی سطح پر پاکستان کا نام روشن کیا ہے۔
