بالی ووڈ کی حال ہی میں ریلیز ہونے والی سپر ہٹ فلم ’’ اینیمل ‘‘ میں اداکار بوبی دیول کی بیوی کا کردار ادا کرنے والی اداکارہ شفینا شاہ کا پاکستان سے تعلق نکل آیا۔
بھارتی میڈیا کو دیئے گئے ایک انٹرویو میں سپر ہٹ فلم اینیمل میں بوبی دیول کی دوسری بیوی کا کردار ادا کرنے والی شفینا شاہ کا کہنا ہے کہ ان کا تعلق پاکستان سے ہے۔
شفینا شاہ نے بتایا کہ وہ خود انگلینڈ میں پیدا ہوئیں لیکن ان کی والدہ عطیہ شاہ کا پاکستان کے صوبے خیبر پختونخوا کے علاقے کوہاٹ سے تعلق ہے۔
میڈیا رپورٹ کے مطابق شفینا شاہ کے والدین کا تعلق بھی شوبز انڈسٹری سے ہے اور وہ اپنے والدین کے نقش قدم پر چلتے ہوئے ہی فلم انڈسٹری میں داخل ہوئیں۔
خیال رہے کہ شفینا شاہ کئی برسوں سے بحیثیت اداکارہ، ماڈل اور ٹی وی پریزینٹر کام کر رہی ہیں اور انہوں نے ایک اشتہار میں شاہ رخ خان کے ساتھ بھی کام کیا ہے، اس سے پہلے شفینا شاہ ایک پاکستانی شارٹ فلم ’لاہور ٹو لندن‘ میں بھی کام کر چکی ہیں ۔
