لاہور کےعلاقہ باغبانپورہ میں شادل ہال کے باہر فائرنگ سے دو خواتین سمیت چارافراد جاں بحق ہوگئے، ملزم سلمان نے اپنی سابقہ بیوی کرن، اسکی بہن بیس سالہ طیبہ، پچاس سالہ والد محبوب اور بھائی عبداللہ کو قتل کیا۔
تفصیلات کے مطابق لاہور کے علاقے باغبانپورہ کے آخری منٹ سٹاپ کے قریب شادی ہال کے باہر فائرنگ سے 2 خواتین سمیت 4 افراد جاں بحق، 2 زخمی ہو گئے ۔
پولیس حکام کے مطابق ملزم سلمان نے اپنی سابقہ بیوی کرن، اسکی بہن 20 سالہ طیبہ، والد 50 سالہ محبوب اور بھائی عبداللہ کو قتل کیا،متاثرہ خاندان فیصل آباد کی سوسائٹی ایڈن گارڈن کا رہائشی ہے۔
حکام کے مطابق محبوب لاہور میں اپنے بھتیجے کی شادی میں شرکت کرنے آیا تھا، اور مقتولہ کرن کی دو سال پہلے ملزم سلمان سے طلاق ہوگئی تھی۔
پولیس نے بتایا کہ زخمیوں میں 55 سالہ تاج بی بی اور 5 سالہ مناہل شامل ہیں، جن کو سروسز ہسپتال منتقل کر دیا گیا ہے ،اورجائے وقوعہ سے شواہد اکٹھے کر لئے گئے ہیں ، جبکہ ملزم کی تلاش جاری ہے۔
