پاکستان شوبز انڈسٹری کے معروف اداکار وہاج علی نے ایشیا کی 10 مقبول ترین شوبز شخصیات میں جگہ بنالی۔
برطانیہ کے اخبار ’’ایسٹرن آئی‘‘ کی جانب سے رواں سال کی ’ ایشین شوبز انڈسٹری کی 50 مقبول ترین شخصیات ‘ کی فہرست جاری کی گئی ہے جس میں بالی ووڈ کنگ شاہ رخ خان سرفہرست ہیں جبکہ پاکستانی اداکار وہاج علی کا نواں نمبر ہے۔
وہاج علی نے ڈرامہ انڈسٹری سے اپنے کیرئیر کا آغاز کیا اور ان کے مقبول ڈراموں میں ’’ تیرے بن ‘‘، ’’ عہد وفا ‘‘ اور ’’ فتور‘‘ سمیت دیگر ڈرامے بھی شامل ہیں۔
برطانوی اخبار کی فہرست میں وہاج علی کے علاوہ دیگر پاکستانی فنکار بھی شامل ہیں جن میں 11 ویں نمبر پر رض احمد، 17 ویں نمبر سجل علی، 24 ویں نمبر پر عروج آفتاب، 32 ویں نمبر پر یمنا زیدی، 37 ویں نمبر پر شہزاد لطیف اور 38 ویں نمبر پر حدیقہ کیانی موجود ہیں۔
دیگر پاکستانی فنکاروں میں احد رضا میر ، معوان رضوان اور بلال عباس خان کا نام بھی فہرست میں شامل ہیں جو باالترتیب 42، 45 اور 48 ویں نمبر پر موجود ہیں۔
