آسٹریلوی کرکٹ ٹیم کے سابق کھلاڑی اور پاکستان سپر لیگ ( پی ایس ایل ) کی فرنچائز کوئٹہ گلیڈی ایٹرز کے نئے ہیڈ کوچ شین واٹسن نے پی ایس ایل 9 کے حوالے سے اہم بیان جاری کر دیا۔
واضح رہے کہ کوئٹہ گلیڈی ایٹرز کے سابق آسٹریلوی کھلاڑی شین واٹسن کے ساتھ ہیڈ کوچ کیلئے معاملات طے پا گئے ہیں اور وہ پی ایس ایل سیزن 9 میں کوچنگ کے فرائض انجام دیں گے ۔
پی ایس ایل کے آغاز سے اب تک پاکستان کے سابق وکٹ کیپر معین خان ہی ہیڈ کوچ کے فرائض انجام دے رہے تھے لیکن ٹیم مینجمنٹ کی جانب سے انہیں ڈائریکٹر کے عہدے پر تعینات کرتے ہوئے نیا غیر ملکی ہیڈ کوچ لانے کا فیصلہ کیا گیا۔
شین واٹسن نے اپنے حالیہ بیان میں شائقین کے لئے خصوصی پیغام جاری اور فرنچائز مالک ندیم عمر کا شکریہ ادا کیا ہے۔
انہوں نے کہا کہ ’’ آپ کا گلیڈی ایٹر شین واٹسن اپنے گھر واپس آرہا ہے لیکن اس مرتبہ ہیڈ کوچ کی حیثیت سے ‘‘، کوئٹہ گلیڈی ایٹرز کے مالک ندیم عمر کا شکریہ ادا کرتا ہوں جنہوں نے مجھے شاندار موقع فراہم کیا۔
انہوں نے مزید کہا کہ کوئٹہ گلیڈی ایٹرز فیملی میں بہترین کھلاڑی موجود ہیں آئیں سب مل کر اسے چیمپئین بنوائیں۔
