امریکا میں نئی سیاسی تاریخ رقم ہو رہی ہے صدر ٹرمپ نے ستمبر میں پہلے مڈٹرم کنونشن اور عوامی جلسے کا اعلان کردیا۔
امریکی صدر ڈونلڈ ٹرمپ نے اعلان کیا ہے کہ ریپبلکن پارٹی ملکی تاریخ میں پہلی بار مڈٹرم کنونشن منعقد کرنے جا رہی ہے، جو 9 اور 10 ستمبر کو ڈیلاس، ٹیکساس میں ہوگا۔
صدر ٹرمپ کے مطابق اس تاریخی سیاسی اجتماع اور بڑے عوامی جلسے میں گریٹ امریکن کم بیک اور ان کے امریکا فرسٹ ایجنڈے کی کامیابیوں کا جشن منایا جائے گا۔
صدر ٹرمپ نے یہ دعویٰ بھی کیا ہے کہ ایران کو جوہری صلاحیت سے محروم کرنے کے لیے امریکی اقدامات تیزی سے جاری ہیں، جبکہ ان کی پالیسیوں کی بدولت عالمی مارکیٹ میں تیل کی قیمتوں میں بھی واضح کمی آ رہی ہے۔
