لاہور ہائیکورٹ بہاولپور بینچ نے آٹھویں جماعت کی طالبہ سےزیادتی کرنے والے اسکول ٹیچر کی ضمانت خارج کردی۔
لاہور ہائیکورٹ نے محکمہ اسکول ایجوکیشن کو تمام سرکاری و نجی اسکولوں میں اسٹاف کی بھرتی کے لیےواضح ایس او پیز مقرر کرنے کی ہدایت جاری کر دی۔
عدالت نےاپنےفیصلےمیں کہاہےکہ تعلیمی اداروں میں بھرتی سےقبل امیدواروں کی مکمل جانچ پڑتال ضروری ہے،اورپولیس کریکٹر سرٹیفکیٹ سمیت نادرا ریکارڈ کی تصدیق لازمی قرار دی جائے۔
عدالت نےیہ بھی قراردیا کہ اسکولز کےتمام اسٹاف کا سابقہ ریکارڈ اورپس منظرکی جانچ پڑتال کی جائے تاکہ طلبہ کے تحفظ کویقینی بنایاجاسکے،تعلیمی اداروں میں کوتاہی کی صورت میں پرنسپل اور اسکول مالکان بھی ذمہ دار ہوں گے۔
مزید کہاگیا کہ ماضی کے مجرموں کے لیے اسکولوں میں جگہ طلبہ کے لیے غیر محفوظ ماحول پیدا کر سکتی ہے، لہٰذا بھرتی کے عمل میں سخت احتیاط برتی جائے۔ عدالت نے نادرا کے سیکس آفینڈرز رجسٹرڈ سے ریکارڈ چیک کرنے کے بعد ہی ٹیچرز کی بھرتی کی تجویز بھی دی،فیصلے کی کاپی آئی جی، چیف سیکرٹری،محکمہ سکول ایجوکیشن کو ارسال کرنے کا حکم دیدیا گیا۔
