پاکستان شوبز انڈسٹری کے معروف اداکار عمران اشرف کی سابقہ اہلیہ اور ماڈل و اداکارہ کرن اشفاق کی دوسری شادی سے متعلق دعویٰ سامنے آگیا۔
عمران اشرف کا شمار پاکستان کے چوٹی کے اداکاروں میں ہوتا ہے اور ان کی شادی ماڈل و اداکارہ کرن اشفاق حسین ڈار سے ہوئی تھی لیکن کچھ عرصہ قبل دونوں میں طلاق ہو گئی تھی، دونوں کا ایک بیٹا روحام عمران بھی ہے جس کی پرورش مل کر کر رہے ہیں۔
کرن اشفاق حسین میڈیا میں کام کر رہی ہیں اور وہ طلاق کے سماجی پہلو پر بہت آواز اٹھاتی رہی ہیں۔
تاہم، میڈیا رپورٹس میں دعویٰ کیا جا رہا ہے کرن اشفاق نے دوسری شادی کر لی ہے۔
شوبز بلاگر ’’ عرفانستان ‘‘ کی رپورٹ میں یہ دعویٰ کیا گیا ہے کہ کرن اشفاق نے لاہور کے ایک تاجر سے دوسری شادی کی ہے۔
خیال رہے کہ کرن کی جانب سے تاحال ان کی دوسری شادی سے متعلق دعوے پر کوئی رد عمل سامنے نہیں آیا۔
