وزیرِاعظم شہباز شریف چارروزہ سرکاری دورہ چین کےپہلےمرحلےمیں ہانگژو روانہ ہوگئے، نائب وزیراعظم و وزیرخارجہ اسحاق ڈار،وفاقی وزرا احسن اقبال،عطا تارڑ اورشزا فاطمہ بھی وزیر اعظم کے ہمراہ ہیں۔
وزیراعظم دورۂ چین کے دوران ہانگژو میں ژجیانگ صوبے کےپارٹی سیکرٹری سےملاقات کریں گے،اسکے علاوہ پاکستانی اور چینی کمپنیوں کےمابین تعاون کے فروغ کیلئے منعقدہ بزنس فورم میں بھی شرکت کریں گے، اس موقع پرمختلف معاہدوں اورمفاہمتی یادداشتوں کے تبادلے کی تقریب بھی منعقد ہوگی۔
دورے کےدوران وزیراعظم معروف چینی کمپنیوں کے سی ای اوز سے بھی ملاقاتیں کریں گے اور چینی ٹیکنالوجی کمپنی علی بابا کےہیڈکوارٹرکا بھی دورہ کریں گے،وزیراعظم تعاون کی مختلف مفاہمتی یادداشتوں پر دستخط کی تقاریب میں بھی شریک ہوں گے۔
وزیراعظم شہبازشریف بیجنگ میں چینی صدر شی جن پنگ اور وزیر اعظم لی چیانگ سے اہم ملاقاتیں کریں گے، جن میں دوطرفہ تعلقات، سی پیک، تجارت اور سرمایہ کاری کے فروغ پر تبادلہ خیال کیا جائے گا۔
دورۂ چین کےدوران پاکستان اور چین کےسفارتی تعلقات کی 75ویں سالگرہ کےحوالے سےمنعقدہ تقریب میں بھی شرکت کی جائے گی۔ وزیر اعظم معروف چینی کمپنیوں کےسربراہان سےملاقاتوں کےعلاوہ چائنہ اکیڈمی آف ایگری کلچر سائنسز کا دورہ بھی کریں گے۔
