کپتان شان مسعود نےڈھاکہ میں پہلے ٹیسٹ میچ سےقبل پریس کانفرنس کرتے ہوئے کہا بنگلہ دیش کا فاسٹ باولنگ اٹیک بہترین ہے امید ہے انکے خلاف اچھی کرکٹ کھیلنے کو ملے گی۔
ٹیسٹ ٹیم کےکپتان شان مسعود نےکہابابراعظم پاکستان کا بہترین کھلاڑی ہےاوربیٹرہے،جب وہ رنزکرتا ہےتواسکاکانفیڈنس بہترہوتاہے،پی ایس ایل میں بابر نےبہت عمدہ پرفارم کیاامیدہےویسے ہی پرفارمنس وہ ٹیسٹ کرکٹ میں بھی دکھائیں گے۔
سب سے اہم چیز یہ ہے کہ ہم ابھی کیاکھیلنے آئے ہیں،ہمارا سارا فوکس بنگلہ دیش سیریز پر ہے،ہم نے ابھی آگے کا نہیں سوچا،ہرکھلاڑی اور ہر ٹیم کا خواب ہوتا کہ وہ چیمپئن شپ کا فائنل کھیلے، پہلے ٹیسٹ کی پچ فاسٹ باولرز کے لئے سازگار لگ رہی ہے،ابھی پچ کا حتمی معائنہ کرنا ہے پھر فیصلہ کرینگے کہ پلئینگ الیون کیا ہونی چاہئیے۔
مزید کہا میرا نہیں خیال ہمارے اسکواڈ میں بدلہ لینےکالفظ یاعنصرموجود ہے،بنگلہ دیش 2024 میں بہتر کرکٹ کھیلی اورانہوں نے اپنےاسکلزکا عملی مظاہرہ کیا،ہمارے لئےاہم یہ ہےکہ ہمارا پلان کیاہوگا،اس پرعمل کیسےکیاجائے،ہم اپنےپلان پررہ کراچھی کرکٹ کھیلیں گے،16 رکنی اسکواڈ ان کنڈیشن کےلحاظ سے بہترین ہےاورزیادہ تر لڑکےان کنڈیشنزکوجانتےہیں،اچھی کرکٹ کھیل کرسیریزکا اختتام اچھےطریقےسے کرینگے۔
سرفراز احمدہمارے کافی عرصہ تک کپتان رہے،ہم نے انکے ساتھ بہت کرکٹ کھیلی،ہمارے کوچنگ اسٹاف میں وہ لوگ ہیں جنکے ساتھ ہم نےبہت کرکٹ کھیلی،اسد شفیق اور عمر گل کے ہمراہ بھی کرکٹ کھیلی ڈومیسٹک کرکٹ بھی کھیلی،انکوبہت اچھےطریقے سے جانتے ہیں،کوچنگ اسٹاف ہمارے کھلاڑیوں کو بہت اچھے سےجانتے ہیں اور اسکے رزلٹس پازیٹو ہی ہونگے،یہ ہمارے لئے نیا کوچنگ اسٹاف نہیں ہوگا۔
