سعودی وزیر خارجہ شہزادہ فیصل بن فرحان نے ایران پر کڑی تنقید کرتے ہوئے کہا ہے کہ ایران نے جہاں ہمسایہ ممالک کے خلاف جارہانہ رویہ اپنایا وہیں اسلامی ممالک کے لیے ہمیشہ مشکلات کو بڑھایا ہے
سعودی دارالحکومت ریاض میں پریس کانفرنس کرتے ہوئے وزیرخارجہ شہزادہ فیصل بن فرحان کا کہنا تھا کہ ایران نے یمن میں حوثی باغیوں کی حمایت سے لیکر عراقی معاملات میں مداخلت کو فروغ دیا ہے ایران نے شام میں بشارالاسد کی حکومت کو سپورٹ کرکے جرائم میں حصہ لیا لبنان میں سیاست دانوں کے قتل اور عراق میں سیاسی اجارہ داری حاصل کرنے کے لیے اپنے حمایت یافتہ فورسز کا ساتھ دیا۔
سعودی وزیرخارجہ شہزادہ فیصل بن فرحان نے سوال اٹھایا کہ اسلامی دنیا کے حوالے سے ایران کی حمایت کہاں ہے؟ ایران کھوکھلے نعرے لگاتا ہے اور اپنے مفادات کے تحفظ کے لیے ہتھیاروں کا استعمال کرتا ہے
سعودی وزیر خارجہ نے کہا کہ ایران خلیجی ممالک پر حملے کرکے بین الاقوامی قوانین کی خلاف ورزی کر رہا ہے اور اگر ایران کو یہ لگتا یےکہ خلیجی ریاستیں ایرانی جارحیت کا جواب نہیں دے سکتیں تو یہ اسکی غلط فہمی ہے تاہم ہم سیاسی اور مذاکراتی عمل کو فروغ دینے والی کوششوں کی حمایت کرتے ہیں
