وزیردفاع خواجہ آصف سے برطانوی ہائی کمشنر جین میریٹ نے ملاقات کی جس دوران دوطرفہ تعلقات اور باہمی تعاون بڑھانے پر تبادلہ خیال کیا گیا ۔ برطانوی ہائی کمشنر کی اپوزیشن لیڈرمحمود اچکزئی سے بھی ملاقات ، علاقائی وعالمی صورتحال سمیت باہمی دلچسپی کے امور پر مشاورت کی گئی۔
وزیر دفاع اور برطانوی ہائی کمشنر کا دوطرفہ تعلقات مزید مضبوط اورمربوط بنانےکی خواہش کا اظہار کیا ، ملاقات میں علاقائی سلامتی صورتحال ، دفاعی تعاون اور ہوابازی کے شعبوں کے مختلف امورپر بات چیت ہوئی ۔ دونوں ممالک کے درمیان تعمیری روابط اور تعاون کومزید فروغ دینے پر اتفاق کیا۔ دیرینہ شراکت داری مزید مستحکم کرنے کے عزم کا اظہار کیا ۔ برطانوی ہائی کمشنر اور محمود خان اچکزائی کے درمیان ملاقات میں بھی علاقائی وعالمی صورتحال سمیت باہمی دلچسپی کے امور پر تبادلہ خیال کیا گیا۔
ذرائع کے مطابق جین میریٹ سے ملاقات کیلئے محمود اچکزئی کو اپوزیشن اجلاس کی صدارت چھوڑکر چیمبر آنا پڑا۔ ملاقات کے بعد صحافی نے جین میریٹ سے سوال کیا کہ آپ کی اپوزیشن لیڈر سے ملاقات کا مقصد کیا تھا؟؟ برطانوی ہائی کمشنر نے جواب دیا کہ پارلیمنٹ میں آنا اور سیاسی رہنماؤں سے ملاقات کرنا خوش آئند ہوتا ہے۔ ملاقات میں ذاتی نوعیت کی بات چیت ہوئی ہے۔ جین میریٹ نے ایران اسرائیل جنگ کےاثرات اور پٹرولیم مصنوعات کی قیمتوں کے بارے میں سوال کا جواب دینے سے گریز کیا اور کہا آج کیلئے اتنا کافی ہے۔
