اسرائیل کے لبنان پر حملوں کا سلسلہ جاری ہے اور اسرائیلی فوج نے حزب اللہ کے سینئر رکن کو نشانہ بنانے کا دعویٰ کر دیاہے ۔
تفصیلات کے مطابق اسرائیلی فوج کا کہناتھا کہ بیروت میں حزب اللہ کے ایک سینئر رکن پر حملہ کیا گیا ۔ اسرائیل کے لبنان پرحملوں میں شہادتوں کی تعداد 52 ہو گئی ہے جبکہ اب تک 154 سے زائد افراد زخمی ہو چکے ہیں ۔
فلسطینی اسلامی جہاد نے بیان جاری کرتے ہوئے کہا کہ اسرائیل کے لبنان پر حملوں میں سینئر کمانڈر شہید ہوگیا،ادھم العثمان القدس بریگیڈز کے کمانڈر تھے،41سال کے ادھم العثمان کو جوبی لبنان میں نشانہ بنایا گیا۔
دوسری جانب ایرانی پاسداران انقلاب نے بھی اسرائیل کے خلاف حملوں کی نئی لہر کا آغاز کر دیاہے ۔
