چینی وزیر خارجہ نے عمانی، ایرانی اور فرانسیسی ہم منصبوں سے ٹیلیفونک رابطے کیئے جس دوران ایران کی خودمختاری کی حمایت کا اعادہ کیا ۔
چینی وزارت خارجہ کے مطابق وانگ ژی نے ایرانی وزیر خارجہ عباس عراقچی سے ٹیلیفونک رابطہ کیا جس دوران ان کا کہناتھا کہ خودمختاری اور علاقائی سالمیت کے دفاع کے حق کی حمایت کرتے ہیں، ایران کو اپنی خودمختاری اور علاقائی سالمیت کے دفاع کا حق ہے، چین مسئلے کے حل کیلئے تعمیری کردار ادا کرنے کیلئے تیار ہے۔
بیان کے مطابق وانگ ای نے اپنے فرانسیسی ہم منصب سے بھی رابطہ کیا اور خطے کی بدلتی صورتحال پر مشاورت کی، جبکہ سفارتی ذرائع سے مسائل کے حل پر زور دیا گیا۔
