امریکا اور اسرائیل کی جانب سے ایران پرمشترکہ حملہ کردیا گیا،ایرانی حکام کےمطابق حملوں میں ایران کے کئی سینیئرفوجی اورسیاسی رہنمامارے گئے،صدارتی آفس،آرمی چیف ،وزرا،دفاعی تنصیبات کو نشانہ بنایا گیا،پارچین ملٹری کمپلیکس اور وزارت انٹیلی جنس کو بھی نشانہ بنایا گیا، دار الحکومت تہران پر فضا اورسمندر سے میزائل داغے گئے،صدارتی محل اور خامنہ کی رہائشگاہ کے قریب 7 میزائل گرے،ایرانی صدر اور سپریم لیڈر علی خامنہ ای محفوظ رہے،،پینٹاگون نےایران کے خلاف آپریشن کو "ایپک فیوری" کا نام دیا۔
اسرائیل کے ایرانی شہر میناب میں لڑکیوں کے سکول پر کیئے گئے حملے میں 40 افراد جاں بحق ہو گئے ہیں ۔اسرائیل کی جانب سے ایران کے شہر میناب میں لڑکیوں کے سکول پر شدید بمباری کی گئی جس دوران جاں بحق ہونے والوں کی تعداد 24 سے تجاوز کر گئی ہے جن میں زیادہ تر طالبات شامل ہیں ۔
ایرانی میڈیا کے مطابق اسرائیل نے ایران کے شہر ابیک میں بھی اسکول پر اسرائیلی حملہ کر دیاہے، امام رضا اسکول میں متعدد طلبہ جاں بحق اور زخمی ہوئے ہیں،زخمیوں کو اسپتال منتقل کیا جارہا ہے۔
رائٹرز کےمطابق ایرانی دارالحکومت تہران میں کئی مقامات کو نشانہ بنایا گیا،تہران کی یونیورسٹی اسٹریٹ میں متعدد میزائل گرے،سید خاندان،ایرانی بندرگاہ چابہار پر بھی میزائل گرے،مہرآباد ایئرپورٹ کو بھی نشانہ بنایا گیا،تہران اسٹاک ایکسچینج میں ٹریڈنگ معطل کردی گئی ہے،جبکہ پورے ملک میں موبائل سروس معطل ہوگئی،انٹرنیٹ کنیکشن کی رفتار بھی سست ہے،دھماکوں کی آواز سن کرلوگ افراتفری میں بھاگ رہےہیں،تعلیمی ادارے بند کردیے گئے، تمام کلاسز آن لائن منعقد ہونگی،
NOW: Tehran, Iran. pic.twitter.com/QI7kSmZw0Y
— Clash Report (@clashreport) February 28, 2026
خبرایجنسی کےمطابق ایرانی سپریم لیڈرتہران میں موجود نہیں ہیں،علی خامنہ ای کو محفوظ مقام پر منتقل کیاگیا ہے، ایرانی حکام نےرائٹرز سےگفتگومیں کہاتہران میں کئی منسٹریزکی عمارتوں کو نشانہ بنایاگیا۔
رائٹرز کےمطابق اسرائیل کا ایرانی سپریم لیڈر اور صدر کو نشانہ بنانے کا دعویٰ کیا گیا،اسرائیلی حکام کے مطابق دونوں کے ٹھکانوں پر حملے ہوئے، نتائج سے لاعلم ہیں۔
امریکی حکام کا کہنا ہےکہ ایران پر فضا اورسمندر سےحملے کیےجارہے ہیں،حملوں میں صرف عسکری اہداف کو نشانہ بنایاجارہا ہے،امریکی بیسز کے تحفظ کیلئے بحری بیڑے مشرق وسطیٰ منتقل کیے گئے تھے۔
اسرائیلی حکام کاکہنا ہےکہ ایران پراسرائیلی حملےکوامریکی معاونت حاصل ہے،حملے کا منصوبہ کئی ماہ پہلےمنایا گیا تھا،ایران پر حملے کی تاریخ ہفتوں پہلے طے کی گئی تھی،ایران کے خلاف کارروائی کئی دنوں پر محیط ہوسکتی ہے
Let the world know that we did not start this war pic.twitter.com/9G3vbJYw1D
— Iran Military Monitor (@IRIran_Military) February 28, 2026
اسرائیلی حکام نے شہروں کو محفوظ پناہ گاہوں میں منتقل ہونے کی ہدایت کردی ہے،تمام تعلیمی ادارے بند کردیے گئے،اسرائیل کی ایئراسپیس کو تمام پروازوں کیلئے بند کردیا گیا۔
اسرائیلی وزیردفاع نےکہا اسرائیل بھر میں ایمرجنسی نافذ کردی گئی ہے،درپیش خطرات کے باعث پیشگی حملے کیےگیے،شہری بم شیلٹرز کے قریب رہیں اور محتاط رہیں۔
دوسری جانب قطر میں امریکی سفارتخانے کے عملے کو شیلٹرزمیں منتقل ہونے کی ہدایت کی گئی ہے،کہا گیا کہ اگلے نوٹس تک تمام امریکی محفوظ پناہ گاہوں میں منتقل ہوجائیں۔
