ایران کی جانب سے اسرائیل کے خلاف جوابی کارروائی جاری ہے جس میں میزائلوں کی تیسری لہر داغی گئی ہے، جوابی کارروائی کو فتح خیبر کا نام دیا۔
تفصیلات کے مطابق ایرانی پاسداران انقلاب نے بیان جاری کرتے ہوئے کہا کہ جو جدید ہتھیار ہم نے چھپائے تھے اب وہ نکالیں گے،ہمارے پاس برسوں تک لڑنے کیلئے جدید ہتھیار ہیں،ہم نے ابھی تک طاقتور اور جدید ہتھیار استعمال نہیں کئے۔
ایرانی پاسداران انقلاب نے دوسری جانب آبنائے ہرمز بند کرنے کا اعلان کرتے ہوئے کہا کہ کسی جہاز کو آبنائے ہرمز سے گزرنے کی اجازت نہیں ہو گی۔
آبنائے ہرمز سے روزانہ تقریباً 90 اور سال بھر میں 33 ہزار بحری جہاز گزرتے ہیں، آبنائے ہرمز مشرقِ وسطیٰ کو ایشیا، یورپ، شمالی امریکا اور دیگر دنیا سے جوڑتی ہے۔
اسرائیلی دارالحکومت تل ابیب میں دھماکے سنے گئے ہیں،جبکہ شمالی اسرائیل میں 9 منزلہ عمارت پر میزائل کا ملبہ گر گیا ہے،میزائل کے ٹکڑے لگنے سے ایک شخص زخمی ہوگیا، عمارت کے ایک حصے کو شدید نقصان پہنچا ہے۔
ایرانی وزارخارجہ نے اپنے بیان میں کہاامریکا اور اسرائیل نے سول ملٹری اہداف کو نشانہ بنایا،مذاکراتی عمل کے دوران ایران پر حملہ کیا گیا۔
ایرانی وزارت داخلہ نےشہریوں کو پرسکون رہنے کی ہدایت کی ہے،مجرم دشمن نے ایک بار پھر ہماری سرزمین پر حملہ کیا ہے،تمام صوبوں کے گونرز دی گئی ہدایت پر عملدرآمد کو یقینی بنائیں،لوگوں کی سہولت کیلئے تمام وسائل استعمال کیے جائیں۔
ایران نے خلیجی خطے میں اہداف کو نشانہ بنانے کی تصدیق کر دی، ایران کی جانب سے قطر میں العدید ایئر بیس، کویت میں السالم ایئر بیس، متحدہ عرب امارات میں الظفرہ ایئر بیس، بحرین میں امریکہ کا پانچواں فوجی اڈے کو نشانہ بنایا گیاہے ۔
پاسداران انقلاب نے بیان جاری کرتے ہوئے کہاہے کہ خطے میں امریکا اور اسرائیل کے تمام اڈوں کو نشانہ بنایا،دشمن کو شکست دینے تک یہ آپریشن جاری رہے گا۔
اسرائیلی فوج کاکہنا ہےکہ ایران کی جانب سےبیلسٹک میزائل داغ دیےگئےہیں،اسرائیلی ایئرفورس میزائل کوگرانے کی کوشش کررہی ہے،ایرانی میزائلوں کو روکنےکیلئے دفاعی نظام فعال کردیا ہے،نیویارک ٹائمز کے مطابق شمالی اسرائیل اور حیفہ شہرمیں مسلسل سائرن بج رہے ہیں۔
اسرائیلی وزارت دفاع کا کہنا ہے کہ مغربی ایران پراسرائیلی لڑاکا طیارے بھرپورحملہ کر رہےہیں،ایران میں فوجی اہداف کو نشانہ بنایا جا رہا ہے،اسرائیلی میڈیا کے مطابق ایران پرپہلے حملے میں اعلیٰ قیادت کو براہ راست نشانہ بنایا گیا۔
دوسری جانب اسرائیلی وزیراعظم نتین یاہو نےایران کےخلاف امریکا اسرائیل مشترکہ کارروائی کا اعلان کردیا،کہا امریکا اوراسرائیل نے ایران سے لاحق خطرات ختم کرنے کیلئے آپریشن شروع کردیا،ایران کو جوہری طاقت حاصل کرنے نہیں دیا جائے گا،یہ آپریشن ایرانی عوام کو اپنے فیصلے خود کرنے کا موقع دے گا۔
