سپر ایٹ یا ریٹرن ٹکٹ؟ شاہینوں کے پاس آخری موقع، ٹی ٹونٹی ورلڈکپ میں پاکستان آج اپنا اہم میچ نمیبیا کےخلاف کھیلے گا۔ گرین شرٹس کو اگلے مرحلے تک رسائی کے لیے فتح درکار ہے۔
ٹی ٹونٹی ورلڈ کپ میں پاکستانی ٹیم اپنے اہم میچ میں آک نمیبیا کے مدمقابل ہوگی۔کولمبو میں کھیلا جانے والا میچ دن ڈھائی بجے شروع ہوگا۔ سپر ایٹ مرحلے میں جگہ بنانے کے لئے پاکستان کو یہ میچ جیتنا لازمی ہے۔
نمیبیا کے خلاف ڈو آر ڈائی میچ کےلیے قومی ٹیم میں تبدیلیوں کا امکان ہے۔ ٹیم مینجمنٹ نے پلیئنگ الیون پر مشاورت مکمل کرلی۔ کپتان سلمان آغا اور کوچ مائیک ہیسن کا بابراعظم، شاہین آفریدی اور شاداب خان پر اعتماد برقرار ہے ۔
اہم میچ کیلئے صاحبزادہ فرحان اور ابرار احمد کو ڈراپ کیے جانے کا امکان ہے۔ فخرزمان اور نسیم شاہ کی واپسی متوقع ہے، خواجہ نافع کو موقع دیے جانے پر بھی غور کیا گیا۔
آئی سی سی مینز ٹی ٹوئنٹی ورلڈ کپ 2026 میں پاکستان اور نمیبیا کے درمیان کھیلے جانے والے اہم میچ پر بارش کے سائے منڈلانے لگے۔ رپورٹس کے مطابق میچ کے میزبان شہر کولمبو میں بارش کا واضح امکان ظاہر کیا گیا ہے جس سے میچ متاثر ہونے کا خدشہ پیدا ہوگیا ہے۔
