سری لنکا کرکٹ ٹیم نے آسٹریلیا کو ٹی 20 ورلڈ کپ 2026 کے اہم میچ میں شکست دے کر سپر 8 مرحلے کیلئے کوالیفائی کر لیا ۔ اس نتیجے کے بعد آسٹریلیا کا سپر ایٹ مرحلے میں پہنچنا انتہائی مشکل ہو گیا ہے۔
میچ پالے کیلے میں کھیلا گیا جہاں سری لنکا نے 182 رنز کا ہدف صرف 2 وکٹوں کے نقصان پر حاصل کر لیا۔ شاندار کارکردگی کا مظاہرہ کرتے ہوئے نسانکا نے ناقابلِ شکست 100 رنز اسکور کیے اور ٹیم کو یادگار فتح دلائی۔
نسانکا نے صرف 52 گیندوں پر اپنی سنچری مکمل کی اور ٹی ٹوئنٹی ورلڈ کپ 2026 کی پہلی سنچری بنانے کا اعزاز حاصل کیا۔ ان کی جارحانہ اور ذمہ دارانہ بیٹنگ نے آسٹریلوی بولرز کو بے بس کر دیا۔
ٹورنامنٹ کی صورتحال کے مطابق اگر زمبابوے کل آئرلینڈ کو شکست دے دیتا ہے تو آسٹریلیا ایونٹ سے باہر ہو جائے گا، جس سے گروپ کی دوڑ مزید دلچسپ ہو گئی ہے۔
