وزارت خزانہ نے سرکاری اداروں کی مالی سال 2024-25کی کارکردگی رپورٹ جاری کر دی۔ گزشتہ مالی سال حکومتی ملکیتی اداروں کےمنافع میں 13 فیصد کمی آئی جبکہ اس دوران حکومتی کمپنیوں کےمجموعی نقصانات دو فیصد کمی سے 833 ارب روپے رہے۔
وزارت خزانہ کے سینٹرل مانیٹرنگ یونٹ کے مطابق مالی سال 2024-25میں سرکاری اداروں کا مجموعی منافع 709 ارب روپے رہا۔ مالی سال 2023-24میں یہ حجم 820ارب 70کروڑ روپے تھا۔ گزشتہ مالی سال حکومتی کمپنیوں کے مجموعی نقصانات دو فیصد کمی کے ساتھ 833روپے رریکارڈ کیے گئے۔
سرکاری کمپنیوں کے خالص نقصانات 122ارب روپے رہے، جبکہ کمپنیوں کے ذمہ واجبات 3فیصد کمی کے ساتھ 21ہزار 742ارب ریکارڈ کیے گئے۔ اثاثوں کا مجموعی حجم 37ہزار 988ارب روپے رہا۔ سرکاری اداروں کو حکومتی امداد میں 37فیصد اضافہ ہوا ۔ سینٹرل مانیٹرنگ یونٹ کے مطابق گزشتہ مالی سال بجلی کے شعبے کا گردشی قرض 1809ارب روپے جبکہ گیس سیکٹر کا 2ہزار ارب روپے تک پہنچ گیا۔ مجموعی گردشی قرضہ 13فیصد کمی کے ساتھ 3ہزار 929ارب روپے رہا۔
