گھوٹکی میں لاہور سے کراچی جانے والی پاک بزنس ایکسپریس حادثے سے بال بال بچ گئی،دو بوگیوں کو جوڑنے والا ہُک ٹوٹ گیا،مسافر ٹرین کو روک لیا گیا امدادی ٹیم روانہ کردی گئی۔
لاہورسےکراچی جانے والی پاک بزنس ٹرین حادثے سے بال بال بچ گئی،میرپورماتھیلو اورگھوٹکی کے درمیان بوگی نمبر دس اگلی بوگی سے علیحدہ ہوگئی،بوگی کا ہُک ٹوٹنے کے باعث کوچ دوسری بوگی سے الگ ہوئی واقعے کے بعد ٹرین کو فوری طور پر روک لیا گیا۔
مسافروں نےمطالبہ کیا کہ ٹرین کو جلد روانہ کرنے کے لیے فوری اقدامات کیے جائیں ۔۔ اس نوعیت کے واقعات جان لیوا ثابت ہوسکتے ہیں،ریلوے حکام خصوصی توجہ دیں۔
ریلوے حکام کا کہنا ہےمرمتی کام مکمل کرنے کے بعد ٹرین کو روانہ کر دیا جائے گا مرمتی کام کے لئے ٹیم روانہ کردی گئی۔
