آئی سی سی ٹی20 ورلڈ کپ کے پانچویں گروپ میچ میں انگلینڈ نے سنسنی خیز مقابلے کے بعد نیپال کو 4 رنز سے شکست دے دی۔
ایونٹ کے پانچویں گروپ میچ میں انگلینڈ نے نیپال کے خلاف ٹاس جیت کر پہلے بیٹنگ کا فیصلہ کیا اور مقررہ 20 اوورز میں سات وکٹوں کے نقصان پر 184 رنز بنائے۔
انگلینڈ کی جانب سے جیکب بیتھل نے 55 اور کپتان ہیری بروک نے 53 رنز کی نمایاں اننگز کھیلیں۔ ول جیک نے 39 اور جوفرا بٹلر نے 26 رنز اسکور کیے۔
نیپال کی طرف سے دیپیندر سنگھ اور نندن یادو نے دو، دو وکٹیں حاصل کیں، جبکہ شیر ملا اور سندیپ لامیچانے نے ایک، ایک وکٹ لی۔
جواب میں نیپال کی ٹیم نے ذمہ دارانہ بیٹنگ کرتے ہوئے میچ کو سنسنی خیز بنا دیا، تاہم مقررہ 20 اوورز میں نیپال کی ٹیم 6 وکٹوں کے نقصان پر 180 رنز بنا سکی۔
