افغان کھلاڑی رحمان اللہ گرباز نے پی ایس ایل کھیلنے سے معذرت کرلی۔ رحمان اللہ گرباز کو پشاور زلمی نے بطور ڈائریکٹ پلیئر سائن کیا تھا۔
رحمان اللہ گرباز نے پی ایس ایل کے آئندہ سیزن میں عدم دستیابی کی تصدیق کردی،کہا ورلڈ کپ کے بعد مصروف شیڈول کے باعث پی ایس ایل کیلئے دستیاب نہیں ہوں گا، افغانستان میں اپنی فلاحی تنظم کے کاموں پر مصروف ہوں گا۔
واضح رہے کہ پشاور زلمی نے 5 فروری کو اپنے آفیشل سوشل میڈیا اکاؤنٹس کے ذریعے افغان اوپنر گرباز کی سائننگ کی تصدیق کی تھی۔
اس اعلان میں ایک گرافیکل پوسٹر شامل تھا، جس میں گرباز کو روایتی پگڑی پہنے پہاڑی پس منظر کے ساتھ دکھایا گیا، تاہم فرنچائز نے معاہدے کی رقم ظاہر نہیں کی۔
