پاکستان کی طرف سے بائیکاٹ کا اعلان پر آئی سی سی منتظمین پریشان ہیں۔ کرکٹ گورننگ باڈی نے پی سی بی کومنانے کی کوششیں شروع کردیں۔
بھارتی میڈیا کے مطابق آئی سی سی نے ڈپٹی چیئرمین عمران خواجہ کو پاکستان کرکٹ بورڈ سے رابطوں کا ٹاسک دے دیا۔ انڈین میڈیا کے مطابق عمران خواجہ پاکستان کرکٹ بورڈ سے ٹی ٹوئنٹی ورلڈکپ کے معاملے پر بات کریں گے۔
سنگاپور کرکٹ ایسوسی ایشن کی نمائندگی کرنے والے عمران خواجہ عمران خواجہ پی سی بی سےٹی 20 ورلڈکپ کے معاملے پربات کریں گے اور رابطوں کی رپورٹ آئی سی سی کو دیں گے۔
تاحال اس معاملے پر آئی سی سی یا پاکستان کرکٹ بورڈ کی جانب سے کوئی باضابطہ مؤقف سامنے نہیں آیا، تاہم کرکٹ حلقوں میں قیاس آرائیاں جاری ہیں کہ آنے والے دنوں میں اس حوالے سے اہم پیش رفت ہو سکتی ہے۔
واضح رہے کہ حکومتِ پاکستان نے 15 فروری کو بھارت کے خلاف ٹی ٹوئنٹی ورلڈ کپ کا گروپ میچ نہ کھیلنے کا اعلان کیا تھا، جس کے بعد آئی سی سی میں بے چینی میں اضافہ ہوا۔
