لاہور قلندرز کے اسٹار کھلاڑی ڈیوڈویزے نجی مصروفیات کے باعث پی ایس ایل سیزن 11 سے دستبردار ہوگئے۔
لاہور قلندرز نے تصدیق کی ہے کہ ان کے تجربہ کار آل راؤنڈر ڈیوڈ ویزے، نجی مصروفیات اور خاندانی ذمہ داریوں کی وجہ سے پاکستان سپر لیگ سیزن 11 میں حصہ نہیں لیں گے۔
ڈیوڈویزے نے گزشتہ 7 سیزنز میں لاہور قلندرز کے ساتھ ایک مضبوط اور دیرپا تعلق قائم کیا ہے اور انہوں نے مستقبل میں دوبارہ پی ایس ایل میں واپسی کا ارادہ ظاہر کیا ہے۔
بیان کے مطابق ڈیوڈویزے نے بیٹنگ اور بولنگ دونوں میں مستقل کارکردگی دکھاتے ہوئے ٹیم کے ایک کلیدی رکن رہے ہیں۔ ان کا تجربہ اور نوجوان کھلاڑیوں کی رہنمائی، لاہور قلندرز کی کامیابی کے ستونوں میں شامل ہیں۔
دوسری جانب ڈیوڈ ویزے نے اپنے بیان میں کہا کہ لاہور قلندرز کا حصہ بننا محض کرکٹ نہیں بلکہ ایک خاندان کا حصہ بننے جیسا ہے۔ ٹیم میں بھائی چارہ، مثبت ماحول اور ہر روز جذبے کے ساتھ کھیلنا اس فرنچائز کو خاص بناتا ہے۔ میں ٹیم کے تمام افراد سے محبت اور احترام کا شکر گزار ہوں اور فخر محسوس کرتا ہوں کہ میری رہنمائی اور موجودگی نے ٹیم کے سفر میں فرق ڈالا۔ میں مستقبل میں دوبارہ شامل ہونے اور ٹیم کی کامیابی میں حصہ ڈالنے کا منتظر ہوں۔
