پاکستان اسپورٹس بورڈ (پی ایس بی) نے پاکستان ہاکی فیڈریشن (پی ایچ ایف) کو نوٹس جاری کرتے ہوئے کہا ہے کہ ہاکی کلب اسکروٹنی کا عمل صرف پی ایس بی کی نگرانی میں ہوگا۔
پی ایس بی کےمطابق پی ایچ ایف نے مشاورت کے بغیر کلب اسکروٹنی کا شیڈول جاری کیا، جو غیر منظور شدہ ہے اور اسٹیک ہولڈرز میں کنفیوژن پیدا کر رہا ہے۔
پی ایس بی نےواضح کیا کہ اسکروٹنی کا عمل شفافیت کےساتھ صرف ادارے کےفیصلے اورنگرانی کےمطابق ہوگا،پاکستان ہاکی فیڈریشن سےتوقع کی گئی ہےکہ وہ فوری طور پر اس حوالے سے وضاحت جاری کرے تاکہ ہاکی کے انتظامی امور میں شفافیت برقرار رکھی جا سکے۔
پی ایس بی کا کہنا ہےکہ فیڈریشن کا یہ اقدام کھیل کے اندر شفافیت اور اعتماد کو متاثر کر رہا ہے، اس لیے تمام اسٹیک ہولڈرز کو درست اور باضابطہ ہدایات کے تحت ہی اسکروٹنی کے عمل میں شامل کیا جائے گا۔
