آسٹریلیا نے دورۂ پاکستان کے لیے 17 رکنی اسکواڈ کا اعلان کردیا،پیٹ کمنز، جوش ہیزل ووڈ اور ٹِم ڈیوڈ انجری کے باعث دورے کا حصہ نہیں ہوں گے۔
اعلان کردہ اسکواڈ میں مچل مارش کوکپتان مقررکیاگیا ہے،جبکہ شان ایبٹ،زیوویربارٹلیٹ،مہلی بیئرڈمین اورکوپرکانلی کو بھی ٹیم میں شامل کیاگیاہے،اس کےعلاوہ جیک ایڈورڈز،کیمرون گرین،ٹریوس ہیڈ،جوش انگلش، میتھیو کوہنیمن اورمچ اوون بھی اسکواڈ کا حصہ ہوں گے۔
اسکواڈ میں جوش فلپ،میتھیو رینشا، میٹ شارٹ، مارکس اسٹونس اور تجربہ کار لیگ اسپنر ایڈم زمپا کو بھی شامل کیاگیا ہے۔
کرکٹ ماہرین کےمطابق انجری کے شکار اہم کھلاڑیوں کی عدم موجودگی کے باوجود آسٹریلوی اسکواڈ مضبوط دکھائی دیتا ہے اور پاکستان کے خلاف سخت مقابلے کی توقع کی جا رہی ہے۔
