صدرمملکت آصف علی زرداری اور وزیراعظم شہباز شریف نے سعودی فرمانروا شاہ سلمان بن عبدالعزیز کی علالت پر اظہار تشویش کرتے ہوئے جلد تندرستی اور عمرِ دراز کی دعا کی۔
صدر مملکت آصف علی زرداری نے شاہ سلمان بن عبدالعزیز کیلئے نیک خواہشات کا پیغام بھجوایا۔ کہاکہ خادم الحرمین الشریفین کی صحت کیلئے پوری پاکستانی قوم دعاگو ہے۔ پاکستانی قوم کے دلوں میں شاہ سلمان بن عبدالعزیزکا بےحد احترام ہے۔ الّلہ تعالیٰ شاہ سلمان کو تندرستی،عمرِدراز اور قیادت کی مزید ہمت عطا فرمائے۔
وزیراعظم شہبازشریف نے بھی سعودی فرمانرواشاہ سلمان بن عبدالعزیز کی علالت پر اظہار تشویش کیا اور کہا اس خبر پرگہری تشویش ہےکہ خادم الحرمین اشریفین اسپتال میں داخل ہیں۔ پاکستان کے عوام سعودی فرمانرواکی عزت و تکریم کرتے ہیں۔ خادم الحرمین الشریفین کی جلد اور مکمل صحت یابی کیلئےدعاگو ہیں۔
