این ڈی ایم اے نے گلگت بلتستان ، بالائی خیبرپختونخوا اور آزاد کشمیر میں سردی کی شدید لہر سے خبردار کردیا ۔
الرٹ کےمطابق گلگت بلتستان،بالائی خیبرپختونخوا اورآزادکشمیرمیں جنوری کےآخرتک رات اورصبح کے اوقات میں شدید سردموسم متوقع ہے،ملک کےبالائی علاقوں میں درمیانےسےشدیددرجےکی برفباری کا امکان ہے، جس سے رابطہ سڑکیں ، ٹرانسپورٹ نظام اور بجلی کی فراہمی متاثر ہو سکتی ہے۔
محکمہ موسمیات کے مطابق کل سے19جنوری کےدوران گلگت بلتستان اورکشمیر میں بارش اوربرفباری متوقع ہے،18 تا 20 جنوری مری اورگلیات میں بارش اور برفباری کا امکان ہے، 20 سے 23 جنوری کے دوران اسلام آباد میں بارش کا امکان ہے،20 تا 23 جنوری پنجاب کے مختلف اضلاع میں بارش کا امکان ہے۔
این ڈی ایم اے نےکہا ممکنہ برفباری کے باعث برفانی تودے گرنےکا بھی خدشہ ہے،اس لئے عوام خصوصاً پہاڑی علاقوں میں غیرضروری سفرسےگریزکریں،میدانی علاقوں میں بعض مقامات پر کورا پڑنے سے فصلوں اور باغات کو نقصان پہنچنے کا خدشہ ہے۔
این ڈی ایم اے نے برفباری والے علاقوں میں گاڑیوں کےٹائروں پرحفاظتی زنجیروں کے استعمال اور شدید سردموسم کےدوران گرم کپڑوں اورہیٹر کےمحفوظ استعمال کی ہدایت کی ہے،الرٹ میں صوبائی اداروں اور ضلعی انتظامیہ کو پیشگی اقدامات کرنے اورضروری مشینری کی دستیابی یقینی بنانے کا بھی کہا گیا ہے۔
