پاک فضائیہ کے سربراہ ایئر چیف مارشل ظہیر احمد بابر سدھو نے عراق کا سرکاری دورہ کیا ہے۔
عراقی ایئرفورس کے ہیڈکوارٹرپہنچنےپرسربراہ پاک فضائیہ کا شاندار استقبال کیا،چاق و چوبند دستے نے گارڈ آف آنرپیش کیا،ایئرچیف مارشل ظہیر احمدبابر سدھو نے عراقی فضائیہ کی معاونت کے لئے پاک فضائیہ کے غیرمتزلزل عزم کا اعادہ کیا۔
کمانڈرعراقی فضائیہ نےجے ایف سیونٹین تھنڈر لڑاکا طیاروں کی ممکنہ خریداری اور سپر مشاق تربیتی طیاروں کی شمولیت میں دلچسپی کا اظہارکیا،دونوں کمانڈرز نے مشترکہ مشقوں اور تربیتی پروگرامز کے انعقاد پر اتفاق کیا،کمانڈر عراقی فضائیہ نے اپنے پائلٹس کی تربیت میں پاک فضائیہ کی معاونت حاصل کرنے کی خواہش کا اظہار کیا ۔
