طیفی بٹ کے بہنوئی جاوید بٹ کے قتل کیس میں پولیس نے اہم پیش رفت کرتے ہوئے مرکزی ملزم امیر فتح کے گھر رنگ محل میں چھاپہ مارا۔ ذرائع کے مطابق یہ چھاپہ مار کارروائی امیر فتح کی ضمانت خارج ہونے کے بعد کی گئی ۔
پولیس کے مطابق امیر فتح اور اس کا اہلخانہ چھاپے کے وقت گھر سے روپوش تھا اور گھر کو تالے لگا کر فرار ہو چکا تھا۔ چھاپے کے دوران جوائنٹ انویسٹی گیشن ٹیم نے امیرفتح کے تین ملازمین کو حراست میں لے لیا۔ ملازمین سے مرکزی ملزم اور دیگر افراد کے بارے میں تفصیلی پوچھ گچھ کی جائے گی۔
ذرائع نے بتایا کہ عدالت نے امیر فتح کی ضمانت آج خارج کر دی تھی اور وہ جاوید بٹ کے قتل کی تحقیقات میں گہنگار قرار دیے جا چکے ہیں۔
واضح رہے کہ جاوید بٹ کو گزشتہ سال مال روڈ پر موٹرسائیکل سواروں نے فائرنگ کر کے قتل کیا تھا۔
