متحدہ عرب امارات کے صدر شیخ محمد بن زاید آل نہیان کی پاکستان آمد کے موقع پر ایک خصوصی استقبالی نغمہ ’’اہلاً و سہلاً، مرحبا‘‘ جاری کر دیا گیا۔
نغمے میں صدر محمد بن زاید آل نہیان کی آمد، ان کا شاندار استقبال، وزیراعظم سے گرمجوش مصافحہ اور گلے ملنے کے دلکش مناظر شامل ہیں، جبکہ بچوں کی جانب سے معزز مہمان کو پھول پیش کرنے کے خوبصورت مناظر بھی نغمے کا حصہ ہیں۔
خصوصی استقبالی نغمہ پاکستان اور متحدہ عرب امارات کے درمیان دیرینہ دوستی، عوامی سطح پر محبت اور باہمی احترام کا عکاس ہے۔ نغمے کے بول ’’اہلاً و سہلاً، مرحبا‘‘ مہمانِ خصوصی کے لیے جذباتِ خیرسگالی اور خوش آمدید کے اظہار کی علامت ہیں۔
نغمے کے ذریعے دونوں برادر ممالک کے درمیان مضبوط تعلقات، باہمی احترام اور تعاون کے رشتے کو اجاگر کیا گیا ہے۔
