وفاقی کابینہ کی جانب سے آف گرڈ پاور پلانٹس لیوی ایکٹ دوہزارپچیس میں توسیع کر دی گئی، تیسرے فریق کی جانب سے کیپٹیو پاور پلانٹس کو گیس کی فروخت ، پیپرا آرڈیننس دو ہزار دو میں ترامیم اور بھنگ کنٹرول اینڈ ریگولیٹری پالیسی کی منظوری دے دی گئی ۔
اعلامیہ کے مطابق بھنگ کنٹرول اینڈ ریگولیٹری پالیسی کا مقصد دوا سازی اور ٹیکسٹائل سیکٹر میں نباتاتی پودوں کے استعمال کا فروغ ہے ۔ پیپرا آرڈیننس میں ترامیم میں ترامیم سے پبلک ٹینڈرنگ اور پروکورمنٹ کو جدید عصری تقاضوں سے ہم آہنگ کیا جائے گا ۔ وفاقی کا بینہ نے وزارت داخلہ کی سفارش پر ویزا کلیئرنس نظام کی بھی منظوری دیدی ۔ اس کا مقصد بیرون ملک جانے والے پاکستانیوں کو شفاف اور محفوظ نظام کے تحت ویزے کے حصول آسان بنانا ہے ۔ کابینہ کی جانب سےنیشنل یونیورسٹی فار سیکیورٹی سائنسز اسلام اباد کے بل کی تنسیخ کی بھی منظوری ۔ قومی اسمبلی میں نجی ممبرز بلز اور قانون سازی میں مؤثر مشاورت کے لیے کمیٹی تشکیل دیدی ۔ کابینہ کمیٹی برائے قانون سازی کے سابقہ اجلاسوں اور اقتصادی رابطہ کمیٹی کے اٹھارہ دسمبرکے اجلاس میں لئے گئے فیصلوں کی توثیق کر دی گئی۔
