پاکستان کی ڈیجیٹل معیشت مضبوط ہو رہی ہے،آئی ٹی برآمدات نے نئی تاریخ رقم کر دی۔
اسٹیٹ بینک آف پاکستان کےمطابق رواں مالی سال کے پہلے پانچ ماہ کے دوران آئی ٹی برآمدات میں انیس فیصد اضافہ ریکارڈکیاگیا،جولائی سےنومبرکےدوران آئی ٹی برآمدات کا مجموعی حجم ایک ارب اسی کروڑ ڈالرتک جا پہنچا۔صرف نومبر میں آئی ٹی برآمدات تین سو چھپن ملین ڈالر ریکارڈ کی گئیں۔
حکام کےمطابق ایس آئی ایف سی کی مؤثر پالیسیوں اورسہولت کاری سےآئی ٹی سیکٹرمیں تیز رفتار ترقی ممکن ہوئی جس سے عالمی سرمایہ کاروں کا اعتماد بھی بحال ہوا ہے۔
ماہرین کاکہنا ہےکہ آئی ٹی برآمدات میں اضافہ نہ صرف قیمتی زرمبادلہ کا ذریعہ ہے،بلکہ روزگار کے مواقع، ڈیجیٹل خودمختاری اور معاشی استحکام کی جانب ایک اہم پیش رفت بھی ہے۔
