چیئرمین پاکستان بار کونسل و اٹارنی جنرل منصور عثمان اعوان نے انتخابی نتائج کا باضابطہ اعلان کیا۔
نتائج کے مطابق وفاقی وزیر قانون اعظم نذیر تارڑ نے سب سے زیادہ ووٹ حاصل کیے۔ انتخابات میں کامیاب قرار پانے والوں میں اعظم نذیر تارڑ، احسن بھون اور حفیظ الرحمان چوہدری شامل ہیں۔
اس کے علاوہ سلمان اکرم راجا، شفقت محمود چوہان اور محمد مقصور بٹر بھی پاکستان بار کونسل کے انتخابات میں کامیاب رہے۔ عامر سعید راں، طاہر نصراللّٰہ وڑائچ اور پیر مسعود چشتی نے بھی انتخابی میدان میں کامیابی حاصل کی۔
نتائج کے مطابق سید قلب حسن، ثاقب اکرم گوندل سمیت دیگر امیدوار بھی پاکستان بار کونسل کے انتخابات میں کامیاب قرار پائے ہیں۔ انتخابی عمل مکمل ہونے کے بعد کامیاب امیدواروں کو مبارکباد دی جا رہی ہے۔
