ماہانہ فیول ایڈجسٹمنٹ کی مد میں بجلی 72 پیسے فی یونٹ سستی ہونے کا امکان ہے۔
سی پی پی اے نے نومبر کے لئے ماہانہ فیول ایڈجسٹمنٹ کی درخواست دائر کردی۔ نیپرا بجلی کی قیمت میں کمی کی درخواست پر 31 دسمبر کو سماعت کرے گا۔
سی پی پی اے کے مطابق نومبر میں ڈسکوز کو 7 ارب 81 کروڑ 30 لاکھ یونٹس بجلی دی، نومبر میں بجلی کی فی یونٹ لاگت 6 روپے 16 پیسے رہی۔ پانی سے 39.16 فیصد،مقامی کوئلے سے 9.34 فیصد بجلی پیداوار رہی، درآمدی کوئلے سے 5.06 فیصد اور گیس سے 8.44 فیصد بجلی بنی۔
درخواست کے مطابق نومبر میں درآمدی ایل این جی سے بجلی کی پیداوار 8.64فیصد رہی، ایک ماہ میں جوہری ایندھن سے 25.23 فیصد بجلی حاصل ہوئی، نیپرا سماعت کے بعد بجلی کی قیمت میں کمی کے بارے حتمی فیصلہ کرے گا۔
