سینئیر سیاستدان محمود مولوی نے ملکی بہتری کیلئے انتظامی بنیادوں پر مزید یونٹس کا قیام ناگزیر قرار دیدیا۔
اسلام آباد میں سابق گورنر سندھ عمران اسماعیل کے ہمراہ پریس کانفرنس کے دوران محمود مولوی نے کہا کہ انتظامی یونٹس کی بات کریں جا رہی، انتظامی یونٹس کو لوگوں کی بہتری کیلئےلانا ہوں گے، اگرمسائل کو حل نہیں کریں گےتو ترقی کیسے ہوگی۔
محمود مولوی نے کہا کہ فیض حمید کو فوجی عدالت سے سزا فیض سے فیض یاب ہونے والوں کیلئے واضح پیغام ہے ۔ جو لوگ بھی فیض یاب ہوئے ہیں سب پر آسمان ٹوٹے گا۔
اس موقع پر سابق گورنر سندھ عمران اسماعیل بولے کہ سابق آئی ایس آئی چیف کو سزا سے جو احتسابی عمل شروع ہوا ہے وہ رکے گا نہیں۔ پی ٹی آئی مفاہمت کی بات کرے مزاحمت کی نہیں۔ اگر مزاحمت کی بات کی تو ندامت ہوگی۔ عمران اسماعیل نے پی ٹی آئی کو عادل راجا کے بیانے سے بھی الگ کرنے کا مشورہ دیا۔ کہا سیاسی جنگ کو سیاسی ہی رکھیں آگے نہ لے کر جائیں۔
