کراچی کے علاقے ناظم آباد میں واقع قادری ہاؤس پر سی آئی اے پولیس نے چھاپا مار کر 12 سے زائد افراد کو حراست میں لے لیا۔
پولیس کے مطابق یہ کارروائی بھتہ خوری میں ملوث تین مطلوب ملزمان کی گرفتاری کے لیے کی گئی۔
ایس آئی یو پولیس کا کہنا ہے کہ چھاپے کے دوران گرفتار افراد کے قبضے سے چھوٹے اور بڑے ہتھیار برآمد ہوئے جبکہ متعدد گولیوں کے میگزین بھی تحویل میں لے لیے گئے ہیں۔
مرکزی ترجمان پاکستان سنی تحریک نے بیان جاری کرتے ہوئے کہا کہ قادری ہاؤس پر پولیس چھاپے کی مذمت کرتے ہیں، ثروت اعجازقادری سمیت 20 سے زائد ذمہ داران کارکنان کو گرفتار کیا گیا، پولیس نے کارروائی چھپانے کیلئے قادری ہاؤس کے کیمروں کو توڑ دیا۔
