پنجاب پولیس کے متعدد اہلکاروں کا منشیات فروشی میں ملوث ہونے کا انکشاف ہواہے ، سی سی ڈی نے لاہور پولیس کے 12 اہلکاروں کو حراست میں لے لیا۔
کرائم کنٹرول ڈیپارٹمنٹ نےمنشیات فروشی میں ملوث پولیس اہلکاروں کے گرد بھی گھیرا تنگ کر دیا ہے۔سی سی ڈی ذرائع کے مطابق پنجاب پولیس کے متعدداہلکاروں کے منشیات فروشی میں ملوث ہونے کے شواہد ملے ہیں۔
سی سی ڈی اقبال ٹاؤن،چوہنگ، ماڈل ٹاؤن اور کینٹ سرکل نے اہلکاروں کو حراست میں لیا، حراست میں لئے جانے والے پولیس اہلکاروں سے بھاری مقدار میں آئس بھی برآمد ہوئی۔حراست میں لیے جانےوالوں میں انوسٹی گیشن ونگ کی لیگل برانچ کے ہیڈ کانسٹیبل سمیت چار اہلکار بھی شامل ہیں۔ تحقیقات جاری ہیں تاحال مقدمات درج نہ ہو سکے۔
