وفاقی وزیر برائے ماحولیاتی تبدیلی مصدق ملک نے کہا حالیہ سیلابوں سے ملکی معیشت کو جی ڈی پی کے نو اشاریہ پانچ فیصد سے زائد نقصان ہوا، بڑھے ہوئے درجہ حرارت اور گلیشیئرز کے پگھلاؤ کو آلودگی کا نتیجہ بھی قرار دیا ۔
اسلام آباد میں ڈبلیو ڈبلیو ایف کے زیرِاہتمام ڈولفن کنزرویشن کانفرنس سے خطاب میں مصدق ملک نے دریائے سندھ کی ڈولفن کے تحفظ پر زور دیااور کہا ڈبلیو ڈبلیو ایف کے ساتھ کھڑے ہیں اور ہرممکن تعاون کریں گے۔ ماحولیاتی تبدیلی کے حوالے مصدق ملک نے کہا گزشتہ چار بڑے سیلابوں میں چار ہزار سات سو سے زائد اموات ہوئیں ۔۔ سترہ ہزار افراد معذور ہوچکے ہیں۔ ڈاکٹر مصدق ملک نے دریائے راوی کے شدید آلودہ ہونے پر اظہار تشویش بھی کیا۔
