چیف آف ڈیفنس فورسز کے نوٹیفکیشن کے معاملے پر وفاقی حکومت کامؤقف سامنے آگیا۔
وزیردفاع خواجہ آصف نے کہا کہ سی ڈی ایف نوٹیفکیشن پر غیر ضروری، غیرذمہ دارانہ قیاس آرائیاں ہورہی ہیں، چیف آف ڈیفنس فورسز کے نوٹیفکیشن کا عمل شروع کردیا گیا ہے۔
خواجہ آصف کا کہنا تھا کہ وزیراعظم جلد وطن واپس آرہے ہیں، نوٹیفکیشن مناسب وقت میں جاری کر دیا جائے گا، قیاس آرائیوں کیلئے کوئی گنجائش نہیں، معاملہ واضح ہے۔
قبل ازیں وزیردفاع خواجہ آصف نے ایکس پوسٹ میں لکھا کہ اسرائیلی فوج غزہ میں جنگ بندی معاہدے کی مسلسل خلاف ورزیاں کر رہی ہے۔ معاہدے کی حمایت کرنے والے مسلم ممالک اپنے مؤقف پر نظر ثانی کرسکتےہیں۔
وزیردفاع کا کہنا تھا کہ جنگ بندی کے نفاذ کے بعد سے اب تک بچوں سمیت 352 فلسطینی شہید ہو چکے ۔ شرم الشیخ معاہدہ خطےمیں استحکام کےلیےکیا گیا تھا لیکن اسرائیلی کارروائیوں نے خدشات پیدا کردیے کہ وہ معاہدے کی پاسداری کرے گا یا نہیں؟ عالمی برادری خصوصا مغربی ممالک اسرائیل پر بین الاقوامی قوانین کی پابندی کےلیےدباؤبڑھائیں۔ ترک صدر رجب طیب اردوان اپنے تحفظات کا اظہار کر چکے ہیں۔
