قومی اسمبلی کا اجلاس کورم بحران کی نذر ہو گیا،اتحادی اراکین کی عدم موجودگی کے باعث کارروائی یکم دسمبر تک ملتوی کر دی گئی۔
اجلاس کے آغاز پرہی رکن اسمبلی محبوب شاہ نے نکتہ اعتراض پر بات کرنے کی اجازت مانگی،اسپیکر ایاز صادق کی جانب سے انکار پر محبوب شاہ نے فوراً کورم کی نشاندہی کردی،گنتی کرانے پر ایوان میں مطلوبہ تعداد پوری نہ نکلی اوراسپیکر نے اجلاس کورم مکمل ہونے تک ملتوی کر دیا۔
تقریباً چالیس منٹ کےوقفے کے بعد اجلاس دوبارہ ڈپٹی اسپیکر سید غلام مصطفی شاہ کی زیر صدارت شروع ہوا،مگر صورتحال جوں کی توں رہی۔حاضر اراکین کی تعداد ایک بار پھرنامکمل پائی گئی جس کے بعد ڈپٹی اسپیکر نے اجلاس یکم دسمبر بروز پیر شام پانچ بجے تک ملتوی کر دیا۔
