آئی جی پنجاب نے ڈی ایس پی کاہنہ انویسٹی گیشن عثمان حیدر کو مبینہ طور پر بیوی اور بیٹی کے اغواء کے کیس میں ملوث ہونے کے الزام پر معطل کر دیا۔ اس حوالے سے سینٹرل پولیس آفس نے نوٹیفکیشن جاری کر دیا ہے۔
ذرائع کے مطابق ڈی ایس پی عثمان حیدر کی بیوی اور بیٹی تقریباً ڈیڑھ ماہ قبل برکی کے علاقے سے لاپتہ ہوئی تھیں۔ سسرالیوں نے الزام لگایا ہے کہ عثمان حیدر دونوں خواتین کے غائب ہونے میں خود ملوث ہیں۔
پولیس کے مطابق ڈی ایس پی نے بیوی اور بیٹی کے لاپتہ ہونے سے متعلق رپورٹ تاخیر سے جمع کروائی تھی جس کے بعد معاملہ مشکوک ہوگیا۔
ترجمان پولیس کا کہنا ہے کہ کیس کی حساسیت کے پیش نظر خصوصی تحقیقاتی ٹیم تشکیل دے دی گئی ہے جو عثمان حیدر سے واقعے کے متعلق مکمل پوچھ گچھ کر رہی ہے۔
