الیکشن کمیشن نے ضمنی انتخابات میں قومی اسمبلی کےپانچ اورصوبائی اسمبلی کےسات حلقوں سے کامیاب امیدواروں کی کامیابی کےنوٹیفکیشن جاری کردیے۔
طلال چوہدری کی جانب سے انتخابی ضابطہ اخلاق کی خلاف ورزی پر این اے چھیانوے سے بلال چوہدری کا نوٹیفکیشن روک دیا گیا،الیکشن کمیشن کی جانب سے جاری نوٹیفکیشن کے مطابق این اے 18 ہری پور سے بابر نواز خان کامیاب ہوئے، این اے 104 فیصل آباد سے دانیال احمد،این اے 129 لاہور سے محمد نعمان کی کامیابی کا نوٹیفکیشن جاری ہوا،این اے 143 ساہیوال سے محمد طفیل این اے 185 ڈیرہ غازی خان سے محمود قادر خان کامیاب ہوئے۔
اس کے علاوہ پی پی 73 سرگودہا سےمیاں سلطان علی رانجھا،پی پی 87 میانوالی سے علی حیدر نور خان،
پی پی 98 فیصل آباد سے آزاد علی تبسم،پی پی 115 فیصل آباد سےمحمد طاہر پرویز،پی پی 116 فیصل آباد سے احمد شہیر،پی پی 203 ساہیوال سے محمد حنیف،اور پی پی 269 مظفر گڑھ سے میاں علمدارعباس قریشی کامیاب قرار پائے۔
