وفاقی آئینی عدالت نے گندم کوٹہ کے معاملے پر سندھ ہائی کورٹ کا فیصلہ کالعدم قرار دے دیا۔
جسٹس امین الدین کی سربراہی میں تین رکنی بینچ نےسندھ حکومت کی اپیل پرسماعت کی،سندھ حکومت نے 31 مئی 2023 کے سندھ ہائیکورٹ سکھر بینچ کے فیصلے کیخلاف اپیل دائر کر رکھی تھی۔
ایڈیشنل ایڈووکیٹ جنرل سندھ سبطین محمود نے دلائل دیتے ہوئےکہاکہ سندھ ہائی کورٹ کی جانب سے دی گئی گائیڈ لائنز آئین کے دائرہ کار میں نہیں تھیں،ایڈیشنل اٹارنی جنرل منور دگل کا مؤقف تھا کہ پالیسی بنانا ایگزیکٹو کا کام ہے، عدالت مداخلت نہیں کر سکتی۔
جسٹس علی باقر نجفی نے ریمارکس دیئے کہ پالیسی ایگزیکٹو بناتی ہے اور اس کا اعلان بھی خود کرتی ہے،دلائل سننے کے بعد عدالت نے سندھ ہائی کورٹ کا فیصلہ کالعدم قرار دیا۔گندم کوٹہ کے حصول کیلئے فلور مل مالک نے سندھ ہائی کورٹ سے رجوع کیا تھا۔
