پاکستان اور برطانیہ نے قیدیوں کی حوالگی سمیت دوطرفہ تعاون مضبوط بنانے پر اتفاق کرلیا۔
وفاقی وزیر داخلہ محسن نقوی سے برطانیہ کی نیشنل کرائم ایجنسی کے ڈائریکٹرجنرل نے ملاقات کی۔ برطانوی ہائی کمشنر جین میریٹ ، نیشنل کوآرڈینیٹر نیکٹا ، ڈی جی این سی سی آئی اے اور دیگر متعلقہ افسران بھی موجود تھے ۔ ملاقات میں انسداد دہشت گردی و منشیات ، انسانی اسمگلنگ سمیت دیگر امور میں تعاون بڑھانے پر تبادلہ خیال ۔ مختلف اداروں کے افسران کیلئے تربیتی کورسز میں باہمی تعاون بڑھانے پر اتفاق کیا گیا۔
بچوں کی آن لائن ہراسانی کے سدباب کیلئے پاک برطانیہ اشتراک کار مؤثر بنانے کا فیصلہ کرلیا گیا ۔ قیدیوں کی حوالگی کے حوالے سے دوطرفہ معاونت بڑھانے پر بھی اتفاق کیا گیا ۔ طے پایا کہ برطانیہ اور پاکستان کے مابین تعاون کے پانچ ایم او یوز کو جلدی حتمی شکل دی جائے گی۔
محسن نقوی کا کہنا تھا دہشت گردی کے تمام تانے بانے ہمسایہ ملک سے ملتے ہیں۔ اس لعنت کے خلاف جنگ میں پاکستان کا عزم و استقامت ایک مثال ہے ۔ ڈی جی این سی اے گراہم بیگر کی اسلام آباد خودکش حملے کی مذمت ۔۔۔ جانی نقصان پر اظہار افسوس کیا۔ انہوں نے انسداد منشیات میں پاکستان کی کاوشوں کو سراہا۔
