اسٹیٹ بینک آف پاکستان نے ملکی زرمبادلہ ذخائر کی تازہ تفصیلات جاری کر دیں۔
اسٹیٹ بینک کے زرمبادلہ ذخائر میں ایک کروڑ 60 لاکھ ڈالر کا اضافہ ہواہے ،پاکستان کے مجموعی زرمبادلہ ذخائر 19 ارب 68 کروڑ 76 لاکھ ڈالر ہو گئے ہیں۔
اعداد و شمار کے مطابق اسٹیٹ بینک کے ذخائر 14 ارب 47 کروڑ 16 لاکھ ڈالر ہیں، جب کہ کمرشل بینکوں کے پاس 5 ارب 21 کروڑ 60 لاکھ ڈالر کے ذخائر موجود ہیں۔
اسٹیٹ بینک کے مطابق گزشتہ ہفتے کے دوران مرکزی بینک کے ذخائر میں ایک کروڑ 60 لاکھ ڈالر کا اضافہ ریکارڈ کیا گیا۔



















