سابق صدر آصف زرداری سے برطانوی ہائی کمشنر جین میریٹ نے ملاقات کی ہے جس میں دوطرفہ تعلقات کے فروغ پر بات چیت کی گئی ۔
کراچی میں ہونےوالی ملاقات میں آصف زرداری نے غزہ میں اسرائیلی جارحیت کے خاتمے کے لئے برطانیہ سے مصالحتی کردار ادا کرنے پر زور دیا۔
آصف زرداری نے شاہ چارلس کےجنم دن کے موقع پر اظہار مسرت کا پیغام دیا، اورڈیوڈ کیمرون کے برطانوی وزیرخارجہ بننے پرنیک تمناؤں کا اظہار کیا۔
اس کے علاوہ پاکستان پیپلزپارٹی پارلیمنٹرینز کے صدر آصف زرداری سے کراچی کے ڈپٹی میئر سلمان عبداللہ مراد نے ملاقات کی۔
کراچی میں ہونے والی ملاقات میں سلمان عبداللہ مراد نے آصف زرداری کو ترقیاتی منصوبوں کے حوالے سے میٹروپولیٹن کارپوریشن کے اقدامات سے آگاہ کیا۔
آصف زرداری نے کہا شہر کے عوام کے مسائل کا حل میری اولین ترجیح ہے۔انہوںنے ڈپٹی میئر کو ہدایت کی کہ شہر کے عوام کے مسائل کے حل میں کوئی کسر نہ چھوڑی جائے۔
