گزشتہ پانچ سال میں حکومت کے ذمہ ملکی قرضے میں 28 ہزار ارب روپے سے زائد اضافہ ریکارڈ کیا گیا، حکومت کا اندرونی قرضہ 54 ہزار 471 ارب روپے تک پہنچ گیا ہے۔
دستاویز کے مطابق جون 2021ء میں اندرونی قرضہ 26 ہزار 265 ارب روپے تھا، جون 2025ء میں قرضوں کی اصل رقم کی ادائیگی 25 ہزار 9 ارب روپےرہی، اندرونی قرضوں پر سود کی ادائیگی سالانہ 7 ہزار 997 ارب روپےتک ریکارڈکی گئی، صرف سود کی ادائیگی میں ایک سال کےدوران 800 ارب روپےسےزیادہ اضافہ ہوا، جون2024ء میں قرضوں پر سالانہ سود 7 ہزار 164 ارب روپے تھا، جون2023ء میں سود کی ادائیگی 4 ہزار 936 ارب روپے تھی، جون2021ء میں قرضوں پر سود کی ادائیگی کاسالانہ حجم 2524 ارب روپےتھا، ملک کےاندرونی قرضوں کا بوجھ سال بہ سال بڑھتا جا رہا ہے۔
