وزیراعظم شہبازشریف ملائشین وزیراعظم انورابراہیم کی دعوت پر ملائشیا پہنچ گئے۔
وزیراعظم شہبازشریف دورے کے دوران ملائیشیا کے وزیراعظم سے ملاقات کریں گے، دونوں ممالک کے درمیان وفودکی سطح پربھی بات چیت ہوگی۔
دونوں ممالک کے درمیان مختلف شعبوں میں تعاون کے معاہدوں اور مفاہمتی یادداشتوں پردستخط بھی ہوں گے، دونوں رہنما تجارت، آئی ٹی وٹیلی کام، حلال انڈسٹری، سرمایہ کاری پر دوطرفہ تعاون کوبڑھانے پرغور ہوگا۔
دونوں ممالک تعلیم، توانائی، انفراسٹرکچر اور ڈیجیٹل معیشت میں دوطرفہ تعاون کو بڑھانے پر بھی غورکریں گے، عوام سے عوام کے روابط بڑھانے کےلیے نئے تعاون کے مواقع تلاش کرنے پر بھی گفتگو ہوگی۔
روانگی سے قبل وزیراعظم شہبازشریف نے ایکس پر پیغام میں کہا کہ ملائیشین وزیراعظم کےساتھ تجارتی واقتصادی امور کےساتھ مختلف شعبوں میں تعاون بڑھانے پربات ہوگی،اہم عالمی اورعلاقائی امور پر بھی تبادلہ خیال کیا جائےگا،وزیراعظم نےکہا کہ پاکستان اور ملائیشیا کے تعلقات فروغ پاتے رہیں گے۔
